logo དེ་རིང་གི་དོན་ཆེན། ཞིབ་ཕྲའི་གནས་གནས་ཚུལ།

རང་ཁུལ་ལ་རྒྱལ་ཡོངས་མི་རིགས་མཐུན་སྒྲིལ་དཔེ་སྟོན་ཁུལ་གྱི་མཚན་སྙན་ཐོབ།

2018-09-16 10:07 རྩོམ་པ་པོ།:

      ཟླ9པའི་ཚེས15ཉིན། རང་ཁུལ་ལ་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གྱི་མཚན་སྙན་ཐོབ་ལ། རྒྱལ་ཡོངས་མིག་དཔེ་ཁུལ་འཛུགས་སྐྲུན་བྱེད་པའི་སྐུལ་སྤེལ་གྲོས་ཚོགས་ཁུལ་གྲོས་ཚོགས་ལྟེ་གནས་སུ་གཟབ་རྒྱས་ངང་འཚོགས་པ་དང་། གྲོས་ཚོགས་སྟེང་རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་གིས་༼མཚོ་ལྷོ་ཁུལ་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་དང་། གུང་ཧོ་རྫོང་མི་རིགས་མཐུན་སྒྲིལ་དཔེ་སྟོན་རྫོང་།  མཚོ་ལྷོ་ཁུལ་མི་དམངས་སྨན་ཁང་མི་རིགས་མཐུན་སྒྲིལ་གྱི་དཔེ་སྟོན་ལས་ཁུངས་བཅས་སུ་བདམས་པའི་ཐག་གཅོད་ཡི་གེ༽སྒྲོག་འདོན་བྱས་པ་མ་ཟད། དམིགས་བསལ་གྱི་གཟི་བརྗིད་ལྡན་པའི་ས་ཁུལ་དང་ལས་ཁུངས་དག་ལ་མཚན་སྙན་གནང་། རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་གི་ཆེད་བསྐོས་ཨུ་ཡོན་སུན་ཞུའེ་ཡུའུ།  རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་གི་ལྟ་སྐུལ་ཞིབ་བཤེར་ཟི་ཡི་ཟི་ཀྲང་སའེ་ཆིན། ཞིང་ཆེན་ཏང་ཨུའི་རྒྱུན་ཨུའམ་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་མགོན་པོ་བཀྲ་ཤིས།  ཧྲིན་ཀྲང་གཞོན་པ་དབྱང་ཧྥིན་ཁྲོན། ཞིང་ཆེན་ཏང་ཨུའི་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་གཞོན་པའམ་ཞིང་ཆེན་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་གི་ཀྲུའུ་རིན་མཁས་པ།  ཁུལ་དཔོན་བསོད་ནམས་དོན་གྲུབ། ཁུལ་སྲིད་གྲོས་ཀྱི་ཀྲུའུ་ཞི་ལིས་བརྒྱད་ཅུ། ཁུལ་ཨུའི་ཧྲུའུ་ཅི་གཞོན་པའམ་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཀུན་བཟང་།  ཁུལ་ཨུའི་རྒྱུན་ཨུ་ཡེ་ཝན་པིན། ཁྲིན་ཧོང་ལིན། ལིས་ཆིན་མེན། ལིས་ཞའོ་ལིན། དེ་མིན་ཁུལ་ཨུའི་པུའུ་སོ་སོ་དང་། ཁུལ་དམངས་ཆེན།  ཁུལ་སྲིད་གྲོས། ཁུལ་གཏོགས་ལས་ཁུངས་སོ་སོའི་འགན་འཁུར་པ་གཙོ་བོ་ཚོགས་འདུར་ཞུགས། 


1.jpg



      2017ལོའི་ལོ་མཇུག་ཏུ།  རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་གིས་མཚོ་ལྷོ་ཁུལ་ལ་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་དང་།  གུང་ཧོ་རྫོང་ལ་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་སྟོན་རྫོང་།  ཁུལ་མི་དམངས་སྨན་ཁང་ལ་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་སྟོན་ལས་ཁུངས་དུ་བདམས། ཐེངས་འདིའི་གྲོས་ཚོགས་བརྒྱུད་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མི་རིགས་བྱ་བའི་འདུ་ཤེས་གསར་བ་དང་བསམ་བློ་གསར་བ།  འཐབ་ཇུས་གསར་བ་བཅས་ལ་ལག་ལེན་དོན་འཁྱོལ་གཏིང་ཟབ་བྱེད་པ་དང་།  གསར་སྐྲུན་གྲུབ་འབྲས་མུ་མཐུད་དུ་སྲ་བརྟན་དང་ཇེ་མཐོར་གཏོང་བ།  མཚོ་ལྷོ་ཁུལ་གྱི་གསར་སྐྲུན་བྱེད་སྟངས་དང་སྔོན་ཐོན་ས་ཁུལ་གྱི་ཉམས་མྱོང་བྱེད་སྟངས་ལ་ཕྱོགས་བསྡོམས་གཏིང་ཟབ་བྱེད་པའི་རྨང་གཞིའི་ཐོག  གོམ་གང་མདུན་སྤོས་ཀྱིས་མི་རིགས་མཐུན་སྒྲིལ་ཡར་ཐོན་གྱི་ལས་དོན་གཏིང་ཟབ་ཏུ་སྤེལ་ཏེ།  བགྲོད་ལམ་གསར་བའི་སྟེང་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་མིག་དཔེ་ཁུལ་འཛུགས་སྐྲུན་བྱེད་པར་ཧུར་ཐག་གིས་འབད་པ་བྱེད་དགོས།


2.jpg

མཚོ་ལྷོ་ཁུལ་ལ་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གྱི་མཚན་སྙན་གནང་།


      ཁུལ་དཔོན་བསོད་ནམས་དོན་གྲུབ་ཀྱིས་བཤད་རྒྱུར། རྒྱལ་ཡོངས་མི་རིགས་ལས་དོན་ཨུ་ཡོན་ལྷན་ཁང་དང་། ཞིང་ཆེན་ཏང་ཨུ་དང་ཞིང་ཆེན་མི་དམངས་སྲིད་གཞུང་གི་མགོ་ཁྲིད་ཚོགས་འདུར་ཞུགས་ཏེ་མཚན་སྙན་གནང་བ་དང་། བྱ་བར་མཛུབ་སྟོན་གནང་བ་འདི་ནི་རང་ཁུལ་གྱི་གསར་སྐྲུན་བྱ་བར་ཁས་ལེན་གང་ལེགས་ཐོབ་པ་མ་ཟད། མཚོ་ལྷོ་ཁུལ་གྱིས་དུས་རིམ་གསར་བའི་ནང་གསར་སྐྲུན་བྱ་བ་ལེགས་པོ་སྒྲུབ་པར་སྐུལ་ལྕག་ཆེན་པོ་གནང་བ་རེད་ཟེར།  དེ་མིན་ཐེངས་འདིའི་གོ་སྐབས་དང་བསྟུན་ནས། རང་ཁུལ་གྱིས་སྔར་ལར་ལྷག་པའི་སྒོ་ནས་རིགས་སོ་སོའི་མི་དམངས་ཀྱི་བློ་གྲོས་དང་སྟོབས་ཤུགས་གཅིག་བསྡུས་སྒོས་མི་རིགས་མཐུན་སྒྲིལ་ཡར་ཐོན་བྱ་གཞག་གསར་སྐྲུན་ལ་སྐུལ་འདེད་བྱས་ཏེ། རྒྱལ་ཡོངས་མི་རིགས་མཐུན་སྒྲིལ་མིག་དཔེ་ཁུལ་འཛུགས་སྐྲུན་བྱེད་པར་བླང་བྱ་གསར་བ་བཏོན། 


3.jpg

      ཞིང་ཆེན་ཏང་ཨུའི་རྒྱུན་ཨུའམ་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་མགོན་པོ་བཀྲ་ཤིས་ཀྱིས་ཐོག་མར་རྒྱལ་ཡོངས་མི་རིགས་ལས་དོན་ཨུ་ཡོན་ལྷན་ཁང་གིས་མཚོ་སྔོན་གྱི་བྱ་བ་དང་། ལྷག་པར་དུ་གསར་སྐྲུན་བྱ་བར་ཐུགས་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས་པ་དང་། མཚོ་ལྷོ་ཁུལ་དང་གུང་ཧོ་རྫོང་། ཁུལ་མི་དམངས་སྨན་ཁང་བཅས་ལ་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་དང་དཔེ་སྟོན་རྫོང་། དཔེ་སྟོན་ལས་ཁུངས་བཅས་སུ་བདམས་པར་རྟེན་འབྲེལ་ཞུས་པ་མ་ཟད། དུས་ཡུན་རིང་བའི་ནང་མཚོ་ལྷོ་ཁུལ་གྱི་གསར་བསྐྲུན་བྱ་བའི་ཁྲོད་ཞུགས་པའི་རྒྱ་ཆེའི་ལས་བྱེད་པ་དང་། ལས་རིགས་ཁག་གི་མི་སྣ། རིགས་སོ་སོའི་མི་དམངས་མང་ཚོགས་རྣམས་ལ་ལྷག་བསམ་རྣམ་དག་གིས་བཀའ་དྲིན་ཞུས་པ་མ་ཟད། མཚོ་ལྷོ་ཁུལ་ཨུ་དང་ཁུལ་མི་དམངས་སྲིད་གཞུང་གིས་ཞིང་ཆེན་ཏང་ཨུའི་སྐབས་བཅུ་གསུམ་པའི་ཚང་འཛོམས་གྲོས་ཚོགས་ཐེངས་བཞི་བའི་དགོངས་དོན་ལག་ལེན་དོན་འཁྱོལ་བྱས་ཏེ། ཞིང་ཆེན་ཏང་ཨུའི་ཧྲུའུ་ཅི་ཝང་ཅན་ཅོན་གྱིས་བཏོན་པའི་བླང་བྱ་གལ་ཆེན་གཞིར་བཟུང་ནས། མི་རིགས་མཐུན་སྒྲིལ་ཡར་ཐོན་ཞིང་ཆེན་དང་མི་རིགས་མཐུན་སྒྲིལ་མིག་དཔེ་ཁུལ་གསར་སྐྲུན་བྱེད་པའི་དམིགས་འབེན་མངོན་འགྱུར་བྱེད་ཆེད། སྔར་ལས་ལྷག་པའི་སྒོ་ནས་འགན་འཁྲི་ཡིད་ལ་དམ་པོར་བཅངས་ནས་སྣེ་ཁྲིད་བྱེད་པར་ཤུགས་བསྣན་ཏེ། གོམ་གང་མདུན་སྤོས་ཀྱིས་རིགས་སོ་སོའི་འབྲེལ་འདྲིས་གནང་བར་སྐུལ་འདེད་བཏང་ནས། དམངས་འཚོ་ལེགས་བཅོས་བྱེད་པ་དང་ཁྲིམས་ལྟར་བཅོས་སྐྱོང་བྱེད་པར་ཤུགས་སྣོན་བྱས་ཏེ། རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་བཟང་ཁུལ་འཛུགས་སྐྲུན་བྱེད་པར་གོམ་སྟབས་ཆེན་པོས་མདུན་སྐྱོད་བྱེད་དགོས་པའི་རེ་བ་བཏོན།།


ཡིད་འགུག་ཐད་གཏོང་།

ཡིད་འགུག་སྒྲིག་རིམ།