logo བོད་ཁུལ་གནས་ཚུལ། ཞིབ་ཕྲའི་གནས་གནས་ཚུལ།

མཚོ་སྔོན་བོད་ཁུལ་གྱི་མཁར་གྲོང་གཙོ་བོ་བཅུ་རུ་ལྕགས་རྟའི་ལམ་འཛུགས་སྐྲུན་བྱ་རྒྱུ་རེད།

2018-09-10 15:15 རྩོམ་པ་པོ།:

      ཉེ་སྔོན།   གསར་འགོད་པས་ཞིང་ཆེན་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་ནས་རྒྱུས་ལོན་བྱུང་བ་ལྟར་ན།  མཚོ་སྔོན་ཞིང་ཆེན་གྱིས་མཚོ་ལྷོ་བོད་རིགས་རང་སྐྱོང་ཁུལ་དང་མཚོ་ནུབ་སོག་རིགས་བོད་རིགས་རང་སྐྱོང་ཁུལ།  མཚོ་བྱང་བོད་རིགས་རང་སྐྱོང་ཁུལ།  རྨ་ལྷོ་བོད་རིགས་རང་སྐྱོང་ཁུལ་བཅས་ཀྱི་མཁར་གྲོང་གཙོ་བོ10ནས་ལྕགས་རྟའི་ལམ་དང་མི་བགྲོད་ལམ་ཟུང་སྦྲེལ་བྱས་པའི་མཁར་གྲོང་གི་དལ་བགྲོད་ཚོད་ལྟའི་འགྲིམ་འགྲུལ་མ་ལག་འཆར་འགོད་འཛུགས་སྐྲུན་བྱ་རྒྱུ་རེད།

      སྐྱེ་ཁམས་སྲུང་སྐྱོབ་སྔོན་དུ་འགྲོ་བ་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ།  སྤུས་ཀ་ལེགས་པའི་འཚོ་བ་གསར་སྐྲུན་བྱེད་པ་བཅས་ཀྱི་སྔོན་འགྲོ་གཅིག་དང་སྤུས་ལེགས་གཉིས་ཀྱི་འཐབ་ཇུས་བཀོད་སྒྲིག་ལག་བསྟར་དོན་འཁྱོལ་བྱེད་པ་དང་མཚོ་སྔོན་བོད་ཁུལ་གྱི་མཁར་གྲོང་གཙོ་བོའི་ནུས་པ་ཁྱོན་ཡོངས་ནས་མཐོར་འདེགས་བྱེད་པ།   ཕྱོགས་བསྡུས་འགྲིམ་འགྲུལ་འཛུགས་སྐྲུན་ཇེ་མགྱོགས་སུ་གཏོང་བ།   ལྷག་པར་དུ་ལྕགས་རྟའི་ལམ་དང་མི་བགྲོད་ལམ་སོགས་དལ་བགྲོད་འགྲིམ་འགྲུལ་མ་ལག་འཛུགས་སྐྲུན་ཐད་ཤུགས་སྣོན་ཆེད།  ཞིང་ཆེན་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་ཞིང་སྡེའི་འཕེལ་རྒྱས་མཛུབ་སྟོན་ཞབས་ཞུ་ལྟེ་གནས་ཀྱིས་མཚོ་སྔོན་བོད་ཁུལ་གྱི་མཁར་གྲོང་གཙོ་བོའི་དལ་བགྲོད་འགྲིམ་འགྲུལ་མ་ལག་ཆེད་དམིགས་འཛུགས་སྐྲུན་འཆར་འགོད་སྒྲིག་བཟོ་ཡོངས་གྲུབ་བྱས།

      འཆར་འགོད་ཀྱིས་ཁུལ་ཁོངས་མཐུན་སྦྱོར་འཕེལ་རྒྱས་དང་དམངས་ཚིས་སྤུས་ཚད་མཐོར་འདེགས་ལ་སྐུལ་འདེད་གཏོང་བ།  བདེ་ཐང་དཔལ་ཡོན་གྱི་འཚོ་བའི་བྱེད་ཐབས་དར་སྤེལ་གཏོང་བ།  བདེ་ཐང་མཚོ་སྔོན་འཛུགས་སྐྲུན་བྱེད་པ་ནས་མགོ་བརྩམས་ཏེ།  མིག་སྔའི་མཚོ་སྔོན་བོད་ཁུལ་གྱི་འཚོ་བའི་གནས་ཚུལ་དངོས་ལ་ཟུང་འབྲེལ་བྱས་ཡོད་པ་དང་།   ལྗང་མདོག་འཕེལ་རྒྱས་འདུ་ཤེས་རྒྱུན་འཁྱོངས་དང་མཚོ་སྔོན་བོད་ཁུལ་མི་དམངས་ཀྱི་བདེ་ཐང་འཚོ་བ་འཛུགས་སྐྲུན་བྱེད་པའི་དགོས་མཁོ་སྐོང་རྒྱུ་དམིགས་འབེན་དུ་བྱས་ཏེ་གོ་རིམ་ཡོད་པའི་སྒོ་ནས་སྐུལ་འདེད་གཏོང་བ་དང་རིགས་བགར་ཏེ་ལག་བསྟར་བྱེད་པའི་རྩ་དོན་ལྟར།   འཛུགས་སྐྲུན་ཆ་རྐྱེན་བཟང་བའི་མཚོ་སྔོན་བོད་ཁུལ་གྱི་མཁར་གྲོང་གཙོ་བོ་བཅུ་བདམས་ཡོད།    ལྕགས་རྟའི་ལམ་དང་མི་བགྲོད་ལམ་ཟུང་སྦྲེལ་བྱས་པའི་མཁར་གྲོང་གི་དལ་བགྲོད་འགྲིམ་འགྲུལ་མ་ལག་ལ་སྤྱི་ལེ་བརྒྱ་དང་བརྒྱད་ཅུ་ལྷག་ཡོད། །


ཡིད་འགུག་ཐད་གཏོང་།

ཡིད་འགུག་སྒྲིག་རིམ།